Novo modelo. O Café Marte

Ola de novo, volvo cun novo modelo no Paseo da Mariña. Desta vez trátase dun pequeno edificio de estilo racionalista no que se atopa o Café Marte. Está situado entre as rúas do Cristo e Benito Vicetto. Esta construcción é unha peza máis na fachada marítima do barrio de Ferrol Vello.

Realicei o modelo co nivel de detalle que ven sendo habitual últimamente, tal e como podedes ver a continuación:

E agora con texturas:

A pesar do detalle de modelado e o nivel das texturas conseguín que o modelo pese tan so 298 Kb en Google Earth, o que non está nada mal.

Aquí tedes o modelo co enlace á Galería:

Enlace á Galería 3D: Edificio no Paseo da Mariña. Café Marte

E como non, as imaxes habituais...

E aquí remato por hoxe, seguramente o proximo modelo non estará moi lonxe destes, por aquelo de completar o conxunto. Espero voltar pronto con máis.

Saudos a todos! ;)

Anxo

Novo modelo. Máis edificios no Paseo da Mariña

Ola de novo. Estou en racha e non quero desaproveitalo, así que como non quería deixar o modelo anterior tan solitario, modelei un par de compañeiros. Son un par de edificios anexos ao anterior, sendo un deles a sede da Asociación de Veciños do barrio de Ferrol Vello. Outra peza na fachada marítima que da ao peirao de Curuxeiras.

O modelo comprende os dous edificios e o traballo resultou moito máis sinxelo debido á configuración simple dos mesmos.

A imaxe do seu compañeiro de maior altura, o edificio da Asociación de Veciños tamén está construido sobre unha das rúas do barrio, neste caso a pequena rúa do Curro. 

Enlace na Galería 3D: Edificios no Paseo da Mariña. AVV de Ferrol Vello

E como non, as acostumadas imaxes do modelo en Google Earth:

E ata aquí polo de agora. Creo que vou seguir modelando por esta zona da cidade no futuro próximo, aínda que teño máis modelos na cabeza por outros lares. Veremos por onde saio a próxima vez... ;)

Saudos!

Anxo

Ferrol Vello declarado BIC. Novo modelo no Paseo da Mariña.

Aquí estou de novo cunha moi boa nova. Despois de moitos, moitos anos de trámites o barrio de Ferrol Vello foi por fin declarado BIC pola Xunta de Galicia. Orixe da cidade de Ferrol éste barrio mariñeiro atopábase en completo estado de abandono e ruina. E aínda que xa se perderon varios edificios singulares son moitos aínda os que por sorte están a tempo de ser salvados.

Delimitación do BIC de Ferrol Vello.

O barrio articúlase en torno ao antigo trazado de rúas da vila orixinal de San Xiao de Ferrol, poboación mariñeira anterior aos arsenais e os asteleiros, unha pequena vila de pescadores que aínda conserva nalgunhas das súas rúas ese ambiente propio dos pequenos pobos pesqueiros galegos, como podedes apreciar nas seguintes imaxes deste fermoso e esquecido recuncho de Ferrol:

Foto de: borreiroscm

Por sorte aínda chegamos a tempo para recuperar este tesouro esquecido, e para celebralo, que mellor que un novo modelo?. Pois aquí o tedes, un dos edificios máis singulares do Paseo da Mariña, dentro de Ferrol Vello e parte da fachada marítima do barrio.

O edificio, a parte de ser o máis alto do entorno do peirao de Curuxeiras, está construido sobre a confluencia da Rúa Carmen Curuxeiras co Paseo da Mariña, que se resolveu cun paso que atravesa a construcción polo medio. É tamén destacable o feito de que o Camiño Inglés de peregrinación a Santiago de Compostela comeza exactamente neste punto, xusto debaixo do arco de entrada á rúa Carmen Curuxeiras. Coidei o detalle do modelo tal e como veño facendo nos meus últimos traballos, modelando a práctica totalidade das fiestras do edificio, tal e como podedes apreciar nestas imaxes sen as texturas:

Aquí tedes unhas imaxes do modelo con textura e o enlace na galería 3D:

Enlace na Galería 3D: Edificio no Paseo da Mariña. Ferrol

E agora, e xa para rematar esta longa publicación de hoxe, as acostumadas imaxes do modelo e o seu entorno en GE:

E isto é todo por hoxe, agardo que vos guste. Espero voltar pronto con máis modelos.

Saudos a todos ;)

Anxo.

Novo modelo. Peixería do Mercado Central.

Por fin "habemus modelum"!!... Despois dun paréntesis que xa se facía un pouco longo de máis, xa temos novo modelo. Como vos veño comentando éstes días, trátase da Peixería do Mercado Municipal Central de Ferrol, ou Mercado da Magdalena, como tamén se lle coñece. O edifício é unha nave con cuberta de 2 augas construido no ano 1923 en estilo modernista baixo a dirección do arquitecto municipal Rodolfo Ucha Piñeiro, gran arquitecto municipal de Ferrol ao que se lle deben moitos dos edificios mais singulares e significativos da cidade.

Son moi destacables as dúas fachadas que pechan os dous frentes transversais do edificio, con decoración de clara inspiración modernista, así como os soportes dos aleiros laterais da cuberta realizados en forxa. O edifício foi restaurado conservando incluso as cerchas orixinais atirantadas que soportan a cuberta e sigue cumplindo a función orixinal para o que foi concebido, a venta de peixe fresco dentro do espazo do Mercado Central, si ben as instalacións e os postos de venta foron modernizados adaptándose aos tempos.

O modelo:

Enlace na Galería 3D: Peixería do Mercado Central de Ferrol

Realicei este modelo con bastante detalle, xa que, ainda que é un edificio sinxelo, ten unha gran singularidade, polo que intentei reflexar o maior número de detalles das fachadas do mesmo. Como mostra do que digo, deixo un par de imaxes da volumetría do modelo onde se pode apreciar o que comento:

Debido a que o terreno de GE en Ferrol non é moi preciso ainda, tiven que modelar parte do terreno circundante para adaptar o modelo ao entorno, sobre todo pola zona da rua Irmandiños, onde se atopa a zona de descarga dos camións e a entrada subterránea de carga e descarga do Mercado Central.

Como de costume, aquí deixo as imaxes do modelo rematado en GE. Desexo que vos guste.

E con isto me despido polo de agora, en breve (iso espero) voltarei con máis modelos e proxectos sempre que vaia atopando tempo para dedicarlles.

Saudos ;)

Anxo

Avances co novo modelo. Peixería do Mercado Central

Saudos de novo a todos. Traio algúns avances no modelo da peixería modernista do Mercado Municipal Central de Ferrol. Prácticamente os frontais modernistas xa están rematados, ainda que pode ser que engada algún detalliño máis. Faltan os laterais que son moito máis sinxelos, e o terreno circundante (zona de descarga dos camións, etc...). Deixo un par de imaxes (con e sin texturas) para que vexados o progreso.

Non é un modelo excesívamente complicado, noutras circustancias estaría xa rematado, pero como ando un pouco escaso de tempo vai indo aos poucos. De calquera xeito, xa está bastante avanzado e probablemente poda rematalo nun par de sesións máis. Para a próxima espero voltar con el rematado.

Saudos ;)

Preparando un novo modelo. Peixería do Mercado de Ferrol.

Ola a todos, últimamente non estou a dedicarlle moito tempo á creación de novos modelos, polo menos non todo o que quixera, e ademáis teño en mente algúns proxectos que ocupan o pouco tempo libre que me queda. Iso non quere dicir que teña isto abandonado, nin moito menos, o que pasa é que durante un tempo o nivel de producción reduciuse bastante. 

Teño moitos modelos na cabeza que pouco a pouco intentarei ir sacando, a medida que o tempo o permita. O primeiro deles seguramente será o edifício modernista da Peixería do Mercado Municipal de Ferrol. Obra do arquitecto Rodolfo Ucha Piñeiro e construida en 1923.

É un edificio relativamente sinxelo e que non debería levar moito tempo, pero como xa vos dixen, non podo dedicarlle todo o que eu quixera, polo que é moi probable que me leve un pouco máis do habitual. 

Prácticamente acabo de comezar co modelado, polo que so hai unha aproximación de volumes e algunha textura sobre a que ir traballando. Aquí tedes unha imaxe dos aínda recentes e prematuros avances:

Como podedes comprobar, prácticamente nada, queda ainda moito traballo por diante, xa que a pesar de que se trata dun edificio relatívamente pequeno, é o suficientemente singular como para dedicarlle tempo e coidar os detalles ao máximo.

Espero voltar pronto con máis avances, e a ver si vou encontrando un pouco de espacio na axenda para volver co modelado 3D como se merece, que xa teño ganas.

Graciñas e saudos a todos! ;)

Anxo.

De volta...

Aquí estou de novo, despois dun pequeno parénetis navideño para pasar as festas cos meus e descansar un pouco. Volvo con moitas intencións e non demasiadas novidades, que me tomei o do descanso en toda a plenitude do significado,  xa que a miña producción reduciuse literalmente a "0", non coma outros que por sorte souberon rentabilizar o tempo moitísimo mellor ca min, e grazas a iso agora temos novos modelos na Galería 3D e máis motivación para continuar co traballo.

Únicamente traio unha pequena actualización na páxina de contacto, para que podades enviarme unha mensaxe cando querades, algunha pequena remodelación na páxina da galería (ainda que para isto teño plans para máis adiante) e moitos plans para novos modelos e para actualizar algún dos vellos, que xa vai tocando. 

Nova páxina de contacto

Polo de agora pouco máis, espero voltar pronto con novidades agora que xa me vou meter en faena de novo.

Graciñas  por seguír ahí e espero que o novo ano comezase ben para todos.

Saudos ;)