A cidade Imaxinaria vive!! (e o blog tamén!)

Despois de moito tempo sen publicar, volvo para ensinarvos que o proxecto da Cidade Imaxinaria non está morto... sigue vivo e evoluíndo. Xa sabedes que éste é un proxecto personal no que levo traballando varios anos cando o tempo mo permite, un eterno WIP que non sei se rematarei algún día.... Mentres continúo co modelado e a creción de novos espazos para a cidade, perfeccionando detalles, e facéndoa crecer, quixen darlle algo máis de vida, e despois dun par de días traballando en Lumion, aquí tedes o resultado:

Espero que vos guste! ;)

Volvendo á cidade imaxinaria.

Estou de volta, despois de máis de un ano dende a última vez. Moitas cousas pasaron dende aquela e espero retomar o blog e publicar con máis periodicidade para contarvos todas as novidades e cambios que aconteceron durante todo este tempo, que non foron poucos.

O motivo deste retorno é que dende fai uns días volvín a traballar nun proxecto personal do que xa falei aquí en varias ocasións e no que levo traballando intermitentemente dende fai varios anos, a cidade imaxinaria. Unha cidade, todavía sen nome, e que dende a última vez que publiquei sobre ela, cambiou bastante, así que penso que é unha boa ocasión para poñer todo ao día.

Tede en conta que este é un traballo todavía en progreso e sen rematar, e que todo é susceptible de cambiar ou ser mellorado. Os renders que vou a poñer a continuación están feitos con V-ray e levan uns pequenos axustes con Photoshop, pero ao ser imaxes dun traballo a medio facer, non son, nin moito menos, definitivos. E dito isto e, como sempre se di, as imaxes valen máis que as palabras, así que procedo a poñer algunhas delas mostrando o estado actual.

Empezamos cunhas cantas imaxes xerais onde xa se pode apreciar que o modelado avanzou considerablemente:

Para darlle máis vida e máis detalle ás rúas, decidín incluír un mercado cos seus postos de venta e algúns detalles que aportan máis realismo ao conxunto.

Tamén os propios edificios gañaron en detalle de modelado.

Desta maneira o conxunto xeral da cidade gaña cada vez máis en credibilidade.

De todas as novidades que hai, a maior delas é que, se ben nun principio a cidade concebiuse nos altos cumios dunhas montañas, decidin achegala ao mar, de tal forma que agora hai unha bahía xunto a cidade. Nesta bahía, e algo afastado da cidade, creei un porto co seu barrio mariñeiro, onde en orixe puido haber unha pequena vila mariñeira que foi medrando co paso do tempo.

Esta parte, máis recente, aínda non está completamente definida, pero xa vai tomando forma.

Polo de agora, isto é todo (que non é pouco). Espero volver con máis asiduidade por estos lares, e así mantervos ao día deste proxecto, e de  todo o que vaia aparecendo polo camiño.

Ata aquí chega este retorno por hoxe, espero que vos guste, si é que aínda queda alguén por aí!

Saúdos! ;)

WIP. A Catedral de Santiago de Compostela. Avances co Pazo de Xelmirez e o Códice Calixtino.

Houbo bastantes avances dende a última vez que publiquei sobre o modelo da Catedral de Santiago. A parte de que o modelado avanzou pola zona do Pazo de Xelmirez e pódese dicir que o volume xeral de todo o conxunto catedralicio está prácticamente definido, comecei a facer probas de renderizado sobre as partes xa máis avanzadas que requeriron de algúns axustes e algún modelado extra e dos que falarei maís tarde. Ademáis de todo isto, incluín un pequeno "ovo de pascua" agochado nalgún punto de todo o edificio.

Pero imos por partes, nesta publicación falarei dos avances co modelado e deixarei o tema das probas de renderizado para outra. Aquí vos deixo unha imaxe que da idea dos avances do modelado pola zona do Pazo de Xelmirez e na que sa xe adivina o volume case definitivo de todo o conxunto, a falta de engadir algunha capela, a Fachada da Acibechería e os detalles finais.

Tamén probei a contextualizar un pouco máis o modelo e engadín un ceo gris, moi propio da cidade de Santiago para darlle un pouco máis de autenticidade ao modelo, como podedes ver nas seguintes imaxes extraidas tamén do SketchUp:

Ademáis de todo isto, e como comentaba antes, tomeime a licencia de recrear a escala real o desaparecido (sic) Códice Calixtino e escondelo nalgún punto do complexo catedralicio, engadindo así un pequeno aliciente e retándovos a todos a atopalo no momento no que o modelo quede publicado en Google Earth. Polo de agora so vou deixar unha imaxe, para que polo menos teñades unha idea do que hai que buscar. :)

Como xa dixen, nunha próxima publicación falarei das probas de renderizado que fixen utilizando Artlantis sobre as partes máis avanzadas do modelo e que requeriron algúns traballos extra dos que darei conta no seu momento.

Polo de agora isto é todo.

Saudos ;)

Anxo

WIP. A Catedral de Santiago de Compostela

Aquí estou de novo con algúns avances no modelo da catedral de Santiago. Como podedes ver na imaxe superior, o modelado da Torre da Berenguela está prácticamente rematado. Faltan algúns detalles ainda, pero considerei que o avance xeral foi suficiente como para ir actualizando o blog co progreso realizado. Tamén engadín xa bastantes texturas definitivas, que poderedes ver nas imaxes que vos deixo a contiuación:

A intrincada decoración barroca da torre está a facer que o modelado sexa bastante laborioso, pero paso a paso e sen presa, creo que o resultado é bastante satisfactorio. Na seguinte imaxe poderedes facervos unha idea da complexidade e o nivel de detalle que está acadando o modelado:

Tan pronto remate con esta torre comezarei coa zona posterior, ábside, capelas, fachada da Quintana e a Porta Santa... pero iso será máis adiante. Xa dixen que isto levaría o seu tempo!.

Ata aquí polo de agora. Espero voltar pronto con máis.

Saudos ;)

Anxo

WIP. A Catedral de Santiago de Compostela.

Saudos de novo. Facía tempo que non actualizaba o traballo coa Catedral de Santiago, pero non pensedes que  é porque o deixase, nin moito menos. Estou de vacacións e teño outras ocupacións que me rouban o tempo, polo que non podo dedicarlle todo o que me gustaría. Por iso vai todo un pouco máis lento.

Así e todo, e como podedes adiviñar na imaxe de arriba, avancei co modelado do claustro e os museos, que xa están casi rematados, incluindo a fachada do Tesouro coa sua torre, ainda que faltan algúns detalles. Tamén comecei co modelado da torre máis alta de todas, a da Berenguela, algúns detalles da parte da xirola na cabeceira da catedral e ademáis está case lista a única fachada románica que queda da catedral, a das Praterías. Como sempre, o mellor é que vos deixe unhas cantas imaxes, que sempre ilustrarán mellor o progreso do traballo.

Deixo tamén unhas cantas imaxes do modelo sen as texturas para que se poda apreciar o nivel de detalle que vai adquirindo:

No interior non traballei dende a anterior actualización, polo que está exactamente igual. Así que remate os detalles que comentaba na zona do claustro, continuarei coa Berenguela e as capelas e fachada que dan á Praza da Quintana, coa Porta Santa incluida. Para rematar deixo unha imaxe da zona da Praza das Praterías, onde só faltaría a fonte dos cabaliños de pedra para completar o conxunto (ademais dos detalles comentados).

E ata aquí polo de agora. Espero que vos guste.

Saudiños ;)

WIP. A Catedral de Santiago

Tal e como vos comentaba onte, sigo traballando no modelo da Catedral de Santiago. Xa avancei pola zona do claustro e os museos coas texturas e o modelado, e tamén rematei o cimborrio, texturizado incluido. A fachada do Obradoiro está rematada completamente, salvo os retoques que podan vir máis adiante. Na imaxes que vedes, podedes apreciar o alcance do modelado e o nivel de detalle.

Xa teño asumido que o modelo para Google Earth vai ter que simplificarse, rebaixando sobre todo o número de polígonos, ainda que sigo mantendo a idea de dividilo en varias partes para conservar ao máximo o nivel de detalle. O que teño xa claro, é que o interior non o incluirei (en principio) na versión do modelo na Galería 3D. De tódolos xeitos completarei o modelo con este nivel e no momento de subilo efectuarei as adaptacións que sexan necesarias. Estou utilizando compoñentes en gran medida precisamente pensando en facilitar a edición máis adiante. 

Correxín un pouco as primeiras texturas que utilicei para a fachada do Obradoiro para harmonizar o conxunto e quitarlle un pouco ese ton "amarelo azufre" que tiñan os fungos que cubren a pedra na imaxe que utilizei. Para os Museos tiven que crear eu as texturas en Photoshop a base de varias fotografías, xa que non é facil conseguir imaxes da fachada completa polo estreito dalgúnha das ruas que rodean esa zona. Pero casi mellor deixovos as imaxes para que xulguedes vos mesmos.

Como extra vou deixar unhas cantas imaxes do interior e o Pórtico da Gloria, que como vos comentaba, non vou a incluir no modelo para Google Earth, pero que igualmente estou modelando:

E así están as cousas polo de agora, non me cansarei de repetir que ísto vai para largo, pero continuarei informando dos avances entre modelo e modelo.  

Saudos a todos! ;)

Anxo