Ferrol actualizado en GE!!

Ainda non saio do meu asombro, despois duns 5 anos nos que as imaxes de satélite de Ferrol en Google Earth databan do 2005, hoxe pola tarde Ferrol trasladouse ao 22 de marzo do ano 2009... unha actualización!, por fin!!!!... anodadado estou ainda. E para que vexades ao que me refiro, aquí tedes unhas mostras...

Nestes anos moitas cousas cambiaron, como é o caso do novo barrio do Bertón:

... ou as diferentes estradas e novos accesos, que no ano 2005 non existian ou estaban en execución, como o acceso sur pola estrada da Trincheira...

... ou a estrada ao porto exterior...

... entre outras moitas cousas. A cuestión é que isto supón unha pequena desviación na alineación dos modelos respecto ás novas imaxes, algo que espero se solucione en breve automáticamente, tal e como ben sucedendo dende fai un tempo cando isto acontece. De calquera xeito, supoño que terei que retocar gran parte dos modelos para actualizar as texturas de GE que usei no seu momento para substituilas polas novas, xa que a diferencia é notable e bastante hostentosa nalgúns casos

Así e todo, a actualización é unha boa nova, ainda que a calidade das imaxes non é a mellor, polo menos son bastante máis actuais que as que tiñamos ata o de agora, que xa facía falta.

Saudos ;)

Anxo
.

En modo mediático...

De novo na prensa!!. Hoxe sae un artigo na Voz de Galicia, edición de Ferrol, sobre o meu modelo do Auditorio, e con foto e todo!. Si queredes podedes velo aquí.

A ver si despois podo poñer unha imaxe da edición escrita. :)

Saudos.

Anxo

Novo modelo. A Casa Danzante. Praga

Por fin!!, rematei o modelo da Casa Danzante!. No camiño quedaron varias horas de modelado, outras tantas traballando coas texturas... e o meu antigo ordenador (sic). Con todo, penso que o resultado mereceu a pena, así que aquí a tedes:

A Casa Danzante de Praga (The Dancing House) é un edificio ideado por Vlado Milunic e Frank Gehry en 1992 e rematado en 1996. Sede de Nationale Nederlanden na capital checa, o edificio ocupa o espacio deixado por outro que foi destruido durante o bombardeo de Praga no ano 1945.

Edificio singular polas suas formas e arquitectura, á que debe os seus múltiples sobrenomes, "The Dancing House", "Fred & Ginger" ou o menos amable, " The Drunken House".

O modelado foi, como xa sabedes polas distintas publicacións que fixen, bastante laborioso, sen restarlle importancia ao texturizado, que tamén levou o seu tempo, por non dicir que a maior parte. A pesar de todo estou moi satisfeito co resultado, así que aquí tedes unhas cantas imaxes:

O modelo está composto por algo máis de 8400 caras, e 16 texturas diferentes (incluidas as imaxes do terreno en GE). Todas as superficies salvo parte de unha (a fachada de fiestras que da ao rio Danubio) foron xeradas manualmente, sen usar ningún plugin. O modelo pesa 5Mb, pero en Google Earth é tan só 1 Mb. Na seguinte imaxe poderedes facervos unha idea da complexidade do modelo.

Tamén houbo algunha pequena complicación á hora de posicionalo en Google Earth, xa que o terreno e os edificios en 3D que xa existen alí (Praga está modelada en 3D na sua totalidade) non casan demasiado ben, así que tiven que recrear un pouco do terreno ao redor do modelo para asentalo correctamente, ainda que queda un pouco forzado. Esperemos que melloren a calidade do terreno en Praga nun futuro e daquela intentarei adaptalo mellor. E despois de todo isto, aquí tedes o modelo en cuestión, recén saido do forno:

Enlace na Galería 3d: A Casa Danzante. Praga

Tamén vou deixar algunhas imaxes de como loce o modelo en GE. Como dicia antes, o terreno queda un pouco forzado e tiven que ocultar os edificios colindantes para que non interferíran con este, pero boeno, o aspecto é bastante aceptable:

E ata aquí todo polo de agora. Espero que vos guste o que (si así o queren dende Google) será o meu primeiro modelo internacional en GE. Agora voume tomar un descansiño e intentarei solventar dunha vez os asúntos técnicos, a ver si podemos volver a traballar en condicións.

Saudos a todos e graciñas ;)


Anxo

Modelo en progreso. A Casa Danzante. (Estado das obras III )

Aquí estou de novo co que espero sexa a última actualización antes de rematar o modelo definitivamente. Prácticamente o que é o modelado está rematado, salvo por algúns pequenos detalles que faltan. So queda poñerlle texturas á fachada acristalada, o que creo que vai ser o máis complicado de todo o proceso, e depurar todo o modelo un pouco. Déixovos unhas cantas imaxes para que podades comprobar por vos mesmos como está quedando:

Como vedes, pouco máis queda ademáis do que vos comentaba. Pulir algúns detalles, probablemente substituir algunha textura que non me convence moito e correxir pequenos erros. Supoño que si o texturizado da galería de vidro non se complica moito voltarei pronto co modelo xa rematado. 

Saudos ;)

Anxo

Modelo en progreso. A Casa Danzante. (Estado das obras II )

Aquí estou de novo con máis actualizacións. Un dos meus ordenadores sigue en estado de deceso, polo que mentres non consiga solucionalo, so podo traballar en novos modelos dunha maneira máis intermitente, e polo tanto o ritmo ralentízase bastante. A pesar diso conseguin avanzar no modelo da Casa Danzante de Praga, e tal e como vos prometín, aquí traio unhas cantas actualizacións de como vai progresando:

Como podedes ver, a pesar dos problemas técnicos, conseguin avanzar bastante e os volumes principais están xa prácticamente definidos. Ainda que como veredes a continuación, queda bastante traballo coas texturas, sobre todo na fachada de vidro, que si xa tivo un modelado complicado, agora aplicarlle as texturas non vai ser nin moito menos máis sinxelo.

Como podedes apreciar, tamén realicei a estructura metálica decorativa da cuberta, que eu denomino de xeito particular "a cebola", aplicandolle unhas texturas PNG para simular o efecto casi "volatil" que ten na realidade.

E ata aquí polo de agora, sigo intentando solucionar o problema do ordenador estropeado, mentres tanto intentarei seguir traballando cando poda neste modelo. Irei informando de como van as cousas en próximas actualizacións.

Saudos!

Anxo

Inconvintes técnicos...

Hoxe, fai apenas unhas horas, o meu ordenador deixounos para  sempre, levándose consigo multitude de datos (que espero recuperar) e case 4 anos de traballo xuntos... :( . Se algunha vez fúchedes victimas dunha situación similar poderedes facervos unha idea do fastidio e o engorro que isto supón. Isto é un inconvinte inesperado que vai a ralentizar todos os proxectos que tiña en marcha, e incluso pode ser que algún teña que ser recomezado dende o principio (crucemos os dedos para que non sexa así). 

Por sorte, escarmentado de algúnha que outra situación similar, adquirín o saudable costume de facer copias de seguridade dalgunhas cousas e en varios sitios... por si acaso. Dou grazas porque A Casa Danzante con todos os seus progresos, xunto con algunhas outras cousas, está a salvo nun par de lugares seguros, porque si tivese que recomezar o traballo dende o principio, sen dúbida renunciaria a facelo.

Así e todo, vou intentar recuperar o meu querido HP Pavillion... e sobre todo o contido do disco duro que aínda me resisto a perder. Como xa dixen, isto vai ralentizar un pouco todo o que tiña en marcha, pero iso non significa que non vaia continuar co traballo (verbigracia das providenciais copias de seguridade), así que ata que recupere a normalidade, as actualizacións vanse retrasar un pouco máis do habitual... :-/

Por sorte non todo son malas novas, e apenas fai un rato o modelo do Auditorio de Ferrol foi aceptado na capa 3D de Google Earth.... algo é algo... :)

Boeno, ata aquí o informe de danos... seguiremos informando si hai novidades.

Saudos.

Anxo

Modelo en progreso. A Casa Danzante. (Estado das obras I )

Aquí estou de novo cun informe sobre o estado do traballo coa Casa Danzante de Praga. Este é sen dúbida, o modelo mási laborioso dos que teño feito ata o de agora. Aquí vos deixo unha imaxe xeral de como vai a cousa:

Non hai nada facilmente modelable neste edificio. Todo un reto, e aínda que é complicado estou desfrutando coa tarefa como un neno. Estou xerando todas as superficies a man, xa que non atopei un plugin o suficientemente apropiado para facer o modelo coa exactitude que quero, así que me estou esmerando para que as superficies sexan o máis parecidas ás reais, ainda que sexa un "traballo de chinos". Para que entendades do que falo, déixovos un par de imaxes onde se pode apreciar a xeometría do modelo.

Como vedes, estou traballando na cuberta, pero aínda queda moito traballo por diante. Probáblemente chegará un momento no que terei que alixeirar o número de caras do modelo, porque a cada pouco que traballo crece exponencialmente, aínda que iso deixareino para o final, para ver ata onde se pode chegar. A ver si para a próxima volvo con algo da galería de vidro xa feito, que é o que máis medo me da.

Saudos a todos ;)

Anxo