miércoles, 30 de marzo de 2011

Modelo en progreso. A Casa Danzante. (Estado das obras III )

Aquí estou de novo co que espero sexa a última actualización antes de rematar o modelo definitivamente. Prácticamente o que é o modelado está rematado, salvo por algúns pequenos detalles que faltan. So queda poñerlle texturas á fachada acristalada, o que creo que vai ser o máis complicado de todo o proceso, e depurar todo o modelo un pouco. Déixovos unhas cantas imaxes para que podades comprobar por vos mesmos como está quedando:




Como vedes, pouco máis queda ademáis do que vos comentaba. Pulir algúns detalles, probablemente substituir algunha textura que non me convence moito e correxir pequenos erros. Supoño que si o texturizado da galería de vidro non se complica moito voltarei pronto co modelo xa rematado. 

Saudos ;)

Anxo

lunes, 28 de marzo de 2011

Modelo en progreso. A Casa Danzante. (Estado das obras II )

Aquí estou de novo con máis actualizacións. Un dos meus ordenadores sigue en estado de deceso, polo que mentres non consiga solucionalo, so podo traballar en novos modelos dunha maneira máis intermitente, e polo tanto o ritmo ralentízase bastante. A pesar diso conseguin avanzar no modelo da Casa Danzante de Praga, e tal e como vos prometín, aquí traio unhas cantas actualizacións de como vai progresando:



Como podedes ver, a pesar dos problemas técnicos, conseguin avanzar bastante e os volumes principais están xa prácticamente definidos. Ainda que como veredes a continuación, queda bastante traballo coas texturas, sobre todo na fachada de vidro, que si xa tivo un modelado complicado, agora aplicarlle as texturas non vai ser nin moito menos máis sinxelo.



Como podedes apreciar, tamén realicei a estructura metálica decorativa da cuberta, que eu denomino de xeito particular "a cebola", aplicandolle unhas texturas PNG para simular o efecto casi "volatil" que ten na realidade.

E ata aquí polo de agora, sigo intentando solucionar o problema do ordenador estropeado, mentres tanto intentarei seguir traballando cando poda neste modelo. Irei informando de como van as cousas en próximas actualizacións.

Saudos!

Anxo

viernes, 25 de marzo de 2011

Inconvintes técnicos...





Hoxe, fai apenas unhas horas, o meu ordenador deixounos para  sempre, levándose consigo multitude de datos (que espero recuperar) e case 4 anos de traballo xuntos... :( . Se algunha vez fúchedes victimas dunha situación similar poderedes facervos unha idea do fastidio e o engorro que isto supón. Isto é un inconvinte inesperado que vai a ralentizar todos os proxectos que tiña en marcha, e incluso pode ser que algún teña que ser recomezado dende o principio (crucemos os dedos para que non sexa así). 

Por sorte, escarmentado de algúnha que outra situación similar, adquirín o saudable costume de facer copias de seguridade dalgunhas cousas e en varios sitios... por si acaso. Dou grazas porque A Casa Danzante con todos os seus progresos, xunto con algunhas outras cousas, está a salvo nun par de lugares seguros, porque si tivese que recomezar o traballo dende o principio, sen dúbida renunciaria a facelo.

Así e todo, vou intentar recuperar o meu querido HP Pavillion... e sobre todo o contido do disco duro que aínda me resisto a perder. Como xa dixen, isto vai ralentizar un pouco todo o que tiña en marcha, pero iso non significa que non vaia continuar co traballo (verbigracia das providenciais copias de seguridade), así que ata que recupere a normalidade, as actualizacións vanse retrasar un pouco máis do habitual... :-/

Por sorte non todo son malas novas, e apenas fai un rato o modelo do Auditorio de Ferrol foi aceptado na capa 3D de Google Earth.... algo é algo... :)

Boeno, ata aquí o informe de danos... seguiremos informando si hai novidades.

Saudos.


Anxo

jueves, 24 de marzo de 2011

Modelo en progreso. A Casa Danzante. (Estado das obras I )

Aquí estou de novo cun informe sobre o estado do traballo coa Casa Danzante de Praga. Este é sen dúbida, o modelo mási laborioso dos que teño feito ata o de agora. Aquí vos deixo unha imaxe xeral de como vai a cousa:


Non hai nada facilmente modelable neste edificio. Todo un reto, e aínda que é complicado estou desfrutando coa tarefa como un neno. Estou xerando todas as superficies a man, xa que non atopei un plugin o suficientemente apropiado para facer o modelo coa exactitude que quero, así que me estou esmerando para que as superficies sexan o máis parecidas ás reais, ainda que sexa un "traballo de chinos". Para que entendades do que falo, déixovos un par de imaxes onde se pode apreciar a xeometría do modelo.



Como vedes, estou traballando na cuberta, pero aínda queda moito traballo por diante. Probáblemente chegará un momento no que terei que alixeirar o número de caras do modelo, porque a cada pouco que traballo crece exponencialmente, aínda que iso deixareino para o final, para ver ata onde se pode chegar. A ver si para a próxima volvo con algo da galería de vidro xa feito, que é o que máis medo me da.

Saudos a todos ;)


Anxo

miércoles, 23 de marzo de 2011

Modelo en progreso. A Casa Danzante. Praga

Confirmando as sospeitas de varios de vos, si, o novo modelo no que estou traballando é a Casa Danzante (The Dancing House) de Frank Gehry. Así é como se coñece a este edificio, sede de Nationale-Nederlanden na capital da República Checa, Praga. Coñezo o edificio en persona, e quería algo especial para o meu primeiro modelo internacional, por iso o escollín.


Supoño que agora entenderedes porque dicía que era un modelo complicado. A verdade é que está resultando bastante laborioso, incluso máis do esperado. O certo é que está resultando todo un "traballo de chinos", xa que as complicadas superficies das fachadas están requerindo dun traballo moito máis minucioso do desexado. De tódolos xeitos xa fixen algún avance do que vos deixo algúnhas imaxes para que xulguedes vos mesmos o progreso na modelaxe.




Como vedes, aínda queda moito por facer. Todavía non sei moi ben como abordar a galería acristalada da fachada norte, o máis complicado con diferencia de todo o modelo. Todo será poñerse... :P

En canto teña máis novidades volverei para dar conta delas. Espero que vos agrade como vai o traballo.

Saudos e graciñas a todos ;)


Anxo

martes, 22 de marzo de 2011

Modelo en progreso. Marchamos ao estranxeiro!!

Pois si, xa teño un novo modelo no forno, e desta vez imos un pouco máis lonxe e saimos, de Ferrol, de Galiza e de España. Xa ia sendo hora de facer algo internacionalmente, polo menos como Trasancos, porque dende imaxefree xa fixen algúna cousiña polo estranxeiro. 

Para tan excepcional ocasión decidinme por un edificio singular e moi arriscado. Con toda seguridade vai ser o modelo máis complicado dos que fixen ata o de agora, xa que aínda que non é excesivamente grande é treméndamente enrevesado. Polo de agora non vou adiantar moito máis, xa que aínda falta moito por facer, e ainda que algo xa está modelado, falta o máis complicado e prefiro non darlle moito bombo aínda, porque seguramente ainda me leve bastante tempo.

Símplemente vou deixar a modo de pista unha imaxe do xa realizado coa que moitos xa adiviñaredes de que se trata... :P


A que xa o sabedes?... ;)

Saudos a todos.


Anxo

miércoles, 16 de marzo de 2011

Novo modelo. O Auditorio Municipal de Ferrol

Despois dun tempiño sin novos modelos, aquí estou de novo cun traballo recén sacado do forno. Desta vez tocoulle ao recén construido Auditorio Municipal de Ferrol.


O edificio construido no barrio de Caranza, esta rematado dende fai pouco tempo, aínda que certas tirantences entre o goberno municipal e a Xunta de Galicia están facendo que a inauguración se retrase... seguramente agardando polas eleccións que están á volta da esquina.


De calquera xeito decidín realizar o modelo, non se bastantes dificultades. A principal delas foi que as imaxes de satélite de Ferrol que aparecen en Google Earth datan do ano 2006, e daquela o único apreciable no solar que agora ocupa o auditorio eran os buratos para a cimentación do edificio e algún que outro movemento de terra. 


Non sei a que agardan an Google para actualizar as imaxes da zona, xa que nos arredores si o fan. Parece que Ferrol está nunha extraña "illa da desactualización" e quedouse estancado no tempo, polo menos en Google Earth. Visto o visto, tirei de outras fontes de información que resultaron estar máis actualizadas, e por ahí fun tirando. 

O auditorio está situado na Avda. de Telleiras xunto ao Conservatorio de Música e foi proxectado por Patricia Alonso Alonso e por Javier López Rivadulla, O edificio conta cunha sala con capacidade para 900 persoas e esta recuberto exteriormente de pizarra verde e vidro. Aquí tedes o modelo e o enlace na Galería 3D:


Enlace na Galería 3D: Auditorio de Ferrol

Usei o Artlantis para tomar unhas imaxes renderizadas do modelo que tamén vos deixo para que as vexades:






E ademais, non podían faltar as imaxes de costume do modelo e o seu entorno tal e como podedes velo en Google Earth. Como poderedes apreciar foi necesaria unha modificación importante do terreno ao redor do modelo en si, debido ao que mencionaba antes sobre a antiguidade das imaxes de satélite:





E isto e todo polo de agora. 

Saudos a todos e graciñas por seguir por ahí! ;)

Anxo



domingo, 13 de marzo de 2011

Sobre árbores, renderizados e colaboracións.

Fai tempo xa que o amigo Aarmesto solicitou axuda para modelar unhas árbores na Praza Maior de Lugo. Eu ofrecinme gostoso, se ben teño que recoñecer que me demorei bastante e cumplir o meu ofrecemento e foi necesario algún que outro "recordatorio" para que me decidise a cumplir o que dixen. Finalmente cumplín coa miña palabra e modelei 3 especies de árbores baseándome nas fotografías que me facilitou Andrés:




Subín o modelo coas 3 árbores á Galería 3D, poñendo como colaborador a Aarmesto, que para iso foi o precursor do asunto, e ademais así os modelos son públicos para que se podan utilizar por calquera.



E sin deixar de falar do señor Andrés Armesto, teño que agradecerlle o seu consello sobre o uso da luz nos renderizados con Artlantis, grazas a el podedes apreciar o antes e o despois nas seguintes imaxes do porto de Ferrol:

Antes:

Despois:

E ata aquí todo polo de agora, dicir simplemente que xa teño algún modelo novo no forno do que espero poder publicar en breve.

Saudos a todos ;)

Anxo

viernes, 11 de marzo de 2011

Porto de Ferrol. Dársena de Curuxeiras.

Aquí estou de novo con algúns renderizados dalgúns dos meus modelos. A pesar de que aínda faltan moitas cousas no entorno da dársena de Curuxeiras do porto de Ferrol, hai xa suficientes modelos como para crear un conxunto recoñecible: o Baluarte de San Xoán, o Cuartel de Instrucción, a Dársena de Curuxeiras (coa lonxa, os Xardíns da Ranita e o edificio de prácticos), a Autoridade Portuaria e algúns edificios no Paseo da Mariña. Así que decidín pasar os modelos polo filtro de Artlantis e aquí tedes o resultado (tras algunha proba fallida de tintes caribeños):

Pinchando nas fotos gañan en tamaño...










E ata aquí os renderizados, espero que sexan do voso agrado, aínda que sei que hai moito que mellorar. Agora estou preparando algún novo modelo e ademais teño en mente cumplir unha promesa que fixen para colaborar con outro modelador e que xa vai sendo hora de cumplir, que un é prisioneiro das súas palabras, e eu non vou ser menos. :P

En breve máis.

Saudos ;)

Anxo