miércoles, 27 de julio de 2011

WIP. A Catedral de Santiago



Tal e como vos comentaba onte, sigo traballando no modelo da Catedral de Santiago. Xa avancei pola zona do claustro e os museos coas texturas e o modelado, e tamén rematei o cimborrio, texturizado incluido. A fachada do Obradoiro está rematada completamente, salvo os retoques que podan vir máis adiante. Na imaxes que vedes, podedes apreciar o alcance do modelado e o nivel de detalle.


Xa teño asumido que o modelo para Google Earth vai ter que simplificarse, rebaixando sobre todo o número de polígonos, ainda que sigo mantendo a idea de dividilo en varias partes para conservar ao máximo o nivel de detalle. O que teño xa claro, é que o interior non o incluirei (en principio) na versión do modelo na Galería 3D. De tódolos xeitos completarei o modelo con este nivel e no momento de subilo efectuarei as adaptacións que sexan necesarias. Estou utilizando compoñentes en gran medida precisamente pensando en facilitar a edición máis adiante. 

Correxín un pouco as primeiras texturas que utilicei para a fachada do Obradoiro para harmonizar o conxunto e quitarlle un pouco ese ton "amarelo azufre" que tiñan os fungos que cubren a pedra na imaxe que utilizei. Para os Museos tiven que crear eu as texturas en Photoshop a base de varias fotografías, xa que non é facil conseguir imaxes da fachada completa polo estreito dalgúnha das ruas que rodean esa zona. Pero casi mellor deixovos as imaxes para que xulguedes vos mesmos.







Como extra vou deixar unhas cantas imaxes do interior e o Pórtico da Gloria, que como vos comentaba, non vou a incluir no modelo para Google Earth, pero que igualmente estou modelando:





E así están as cousas polo de agora, non me cansarei de repetir que ísto vai para largo, pero continuarei informando dos avances entre modelo e modelo.  

Saudos a todos! ;)


Anxo

martes, 26 de julio de 2011

Novo modelo. O Banco Pastor

A pesar de que continúo o traballo coa Catedral de Santiago, tomeime un "descanso" para facer outro modelo un pouco máis sinxelo, pero que tiña gardado na recámara dos "proxectos a realizar". Trátase do edificio do Banco Pastor na Coruña.



Este singular edificio rematado no ano 1925, e un dos edificios singulares da Coruña. Construido como sede central do Banco Pastor, sigue mantendo esa función dende aquela. Planexado polos arquitectos Antonio Tenreiro e Peregrín Estellés, precisou dun cambio da normativa urbanística da época para poder adaptarse e permitir a construcción do que sería o primeiro rañaceos de Galicia, e o edificio máis alto de España no momento, título que mantería durante 7 anos, ata que se construiu a sede de Telefónica na Gran Vía de Madrid. O edificio de estilo eclectico con detalles art-decó recorda a arquitectura habitual dos anos 20 nas grandes cidades do outro lado do Atlántico, como Chicago ou New York, iso si, adaptada a escala galega, moito mais modesta e humana, cunhas 11 plantas e uns 38 metros de altura. Destaca a xenerosa cornixa que o remata a modo de capitel dándolle un caracter singular.



O modelo abarca todo o solar ocupado polo Banco, incluindo o anexo máis baixo da parte posterior e algúns detalles moi representativos do mesmo, como os enormes letreiros luminosos da azotea e os grandes farois de latón dourado que flanquean a entrada principal. Comno sempre, o mellor é que o vexades vos mesmos:



Deixo aquí tamén, como é habitual, unhas cantas imaxes mostrando algúns detalles da elaboración do modelo e do seu aspecto.








E isto é todo, espero que vos guste. Como vos dicía, continúo traballando na Catedral de Santiago, publicarei dentro de pouco para que vexades como vai o traballo. 

Saudos.

Anxo

domingo, 17 de julio de 2011

WIP. Modelo en progreso. A Catedral de Santiago de Compostela.

Ola de novo a todos. Sigo co traballo na catedral de Santiago e tal e como prometín, aquí vos traio un pequeno informe de como vai o modelado. A fachada do Obradoiro está prácticamente rematada e xa case completamente texturizada (que leva o seu tempo), a falta de algúns detalles e algunhas esculturas. Tamén comecei coa zona do claustro e os museos, onde xa está prácticamente rematado o claustro gótico e unha das duas torres que o flanquean, a Torre da Vela. Da outra torre, a do Tesouro, simplemente fixen unha aproximación volumétrica. Na fachada que da á praza do Obradoiro tamén fixen algún avance modelando os balcóns, fiestras e ventanas, pero queda moito que facer ainda. 

Como as imaxes se explican mellor do que poda facer eu, aquí deixo unhas cantas para que podades ver o estado actual por vos mesmos.









Como podedes ver, o modelo é bastante detallado, tal e como pretendía. Xa estou comezando a definir as partes nas que o vou dividir para subilo na Galería 3D. Debido ao nivel de detalle tal vez sexa necesaria algunha división máis do que pensaba ao principio, ou incluso pode ser que prescinda do interior, pero iso ireino valorando según vaia progresando. 

Non me extendo máis. Seguirei actualizando a información a medida que vaia progresando co modelado. 

Saudos ;)


Anxo

martes, 12 de julio de 2011

WIP. Modelo en progreso. A Catedral de Santiago de Compostela (e arredores)



Boas de novo. Como xa vos comentei anteriormente, estou revisando vellos modelos que xa necesitan de ser actualizados. Entre eles está a Catedral de Santiago de Compostela. Un modelo xa antigo que podedes ver en GE subido por partes, xa que debido á sua magnitude e a súa complexidade nunca foi aceptado completo. É por isto que me propuxen reformalo e actualizalo completamente. O modelo actual completo podedes velo aquí:


(this is the old one)


Pero como vos comentaba, o que consta en GE está dividido en varias partes:


Como podedes ver, realmente necesitaba de ser actualizado. Comecei o traballo coa idea de facer un modelo completo para toda a catedral e os anexos (claustro, museos, capela e pazo episcopal) optimizado e máis lixeiro que o actual para que puidese ser aceptado en GE sen problema. A cuestión é que a tremenda importancia e beleza do conxunto monumental da catedral perdería moitísimos detalles e definiciòn, empobreceríase demasiado para o meu gusto, polo que finalmente decidin refacer o modelo outra vez en varias partes, dedicando  a cada unha delas o máximo coidado e detalle, tal e como considero se merece un conxunto tan singular e fermoso como éste. Non sei si é a decisión acertada, xa que a tremenda coplexidade dalgunhas partes empúxame a intentar reflexar a maior cantidade de detalles, polo que igual é necesario dividir o modelo en máis partes das que tiña pensado nun principio para axustar o peso e complexidade de cada unha ás esixencias de GE, pero ainda así considero que paga a pena, e se non, sempre estarei a tempo de alixeirar o modelo si fose necesario, tendo unha versión máis detallada para renders e outro tipo de aplicacións, e unha máis lixeira para GE.

Unha vez decidido isto, emprendín a tarea do modelado, percibindo rápidamente a máis que notable inexactiude da orografía do terreno representado en GE... (como de costume). O problema é que un modelo da extensión que ten o que me propoño vese afectado moito máis inda precisamente por ese motivo, a grande superficie que abarca. Hai que ter en conta que todos os accesos á catedral se producen a distinta cota, que que a praza á que da a fachada principal, a do Obradoiro, ten prácticamente a mesma cota, cousa que non sucede na representación de GE, xa que debido ao tremendo desnivel existente entre a praza e a parte posterior do Pazo de Raxoi (frente a catedral) presenta unha inclinación moi pronunciada e irreal. 

Isto representou outro obstáculo no camiño que había que salvar, así que antes de comezar co modelado da catedral era preciso axustar o terreno para adaptalo o máis posible á realidade. Enseguida me din de conta que a reforma do conxunto catedralicio ia implicar tamén a reforma dos modelos adxacentes (Pazo de Raxoi e Hostal dos Reis Católicos) xa que era necesario revisar e correxir a cota da Praza do Obradoiro, praza á que dan estes dous edificios e que tamén necesitaban dunha revisión urxente. O traballo ia adquirindo unha magnitude moito maior do que pensaba nun principio. Nun principio tiña pensado publicalo cando estivese rematado, pero vendo o camiño que está tomando vou ir publicando pouco a pouco  como vai o traballo, que probablemente  leve gran parte do verán. 

Aquí tedes un par de imaxes onde podedes ver os axustes que fixen no terreno e en toda a zona circundante do conxunto catedralicio e a praza do Obradoiro.






Como podedes apreciar, nas capturas xa se aprecia unha aproximación volumétrica do Pazo de Raxoi (edificio que revisarei máis adiante). Estou usando un plano real da catedral e todos os edificios anexos para axudarme co modelado. Ademais atopei algún alzado da Fachada do Obradoiro que tamén está axudando en gran medida para que as proporcións e medidas sexan exactas. Como podedes ver nas seguintes imaxes.



O traballo avanzou bastante dende esas capturas (foron feitas a semana pasada), e actualmente o aspecto que ten o modelo é o seguinte:





A fachada e as torres do Obradoiro están prácticamente rematadas, o nivel de detalle é moi alto porque van constituir unha das partes nas que vou dividir o modelo por si mesmas, considerei que a monumentalidade desta singular fachada barroca así o merecía. Ainda non apliquei texturas (salvo as que usei como referencia para o modelado), fareino máis adiante. 

Aquí é onde vou desvelar a verdadeira magnitude do proxecto, xa que o modelado non está restrinxido ao exterior da catedral. 

Mentres modelaba a fachada principal non deixaba de rondarme pola cabeza o feito de que unha das maiores xoias arquítectónicas de estilo románico que existen no mundo está agochada xusto detras desa fachada, o Pórtico da Gloria.... non o pensei demasiado, xa postos, decidín modelar parte do interior. En principio sería o Pórtico únicamente, pero o pórtico por definición tería que dar paso a "algo", así que tamén modelei a nave principal da catedral.

Aquí é onde creo que estou traspasando os límites de GE, non o sei. Pero non vai ser por iso que deixe de modelalo, xa que chegado o momento podo eliminalos do modelo que suba a galería 3D. Creo que xa metidos en faena, merece a pena facelo.... 





... e unha imaxe do pórtico coas texturas de traballo (que non van ser as definitivas):


A vos que vos parece?... eu creo que ben o merece non?. Nestas imaxes podedes apreciar o alcance do modelado ata agora (exterior e interior):



Polo de agora a cousa está así, xa podedes ver que falta moitísimo ainda, e que o traballo vai para largo. Probablemente tan pronto remate a fachada principal comezarei coa zona do claustro, os museos e o arquivo, agora trístemente famoso despois da desaparición do insubstituible Códice Calixtino (sic...), unha xoia de valor incalculable en moitos aspectos... :(

Seguirei publicando a medida que avanza o traballo... que teño a impresión de que vai traer máis novidades e sorpresas ainda.


Saudos a todos! ;)


Anxo

viernes, 1 de julio de 2011

Concello de Ferrol. Modelo actualizado.... ?.

Máis ben, modelo novo, porque ainda que se trate dun modelo antigo mellorado, fíxeno todo enteiro dende 0
...


Boas a todos, a verdade é que xa tocaba, algúns modelos vanse quedando anticuados e de vez en cando está ben darlles unha volta, ou varias. A cuestión é que un dos meus modelos máis antigos, o Concello de Ferrol, xa necesitaba urxentemente de unha revisión.

O modelo do Concello de Ferrol é un dos meus modelos máis antigos (xaneiro de 2007), e foi dos primeiros que subín á Galería 3D con texturas fotográficas. Dende entón, casi que non o actualicei, polo que pouco a pouco foi quedándose bastante desfasado... e para mostra, un botón, aquí tedes un par imaxes de como lucía o modelo antes:



Uffff.... a verdade é que agora da dentera velo ao pobre... (e pensar que forma parte de varias coleccións do mellorciño da Galería 3D).  Resultaba evidente que necesitaba un cambio para estar á altura, así que me puxen mans á obra e refixen o modelo dende 0, completamente e dende o principio. Estou moi contento co resultado, incluso sin necesidade de comparalo co antigo, o aspecto final é moi satisfactorio para o meu gusto e creo que está a anos luz da versión anterior. Para que xulguedes vos mesmos déixovos unhas cantas imaxes do novo modelo e así podedes comparar ...






Como podedes ver, a diferencia é máis que notable. Aquí vos deixo tamén un par de capturas con e sin texturas onde podedes apreciar a complexidade que ten agora o modelo:



E como ven sendo habitual tamén últimamente, fixen uns cantos renderizados con Artlantis, que sempre quedan máis resultóns que as capturas de SkechUp. Nesta ocasión tamén xoguei un pouco coa iluminación nocturna, algo que non fixera ata o de agora e que resultou moito máis sinxelo do que imaxinaba... a ver que vos parecen:








Cómo o vedes?... Como xa dixen, eu estou consideráblemente satisfeito, sobre todo se o comparamos co antigo. Para rematar aquí tedes o modelo na galería 3D co seu enlace.


Enlace Galería 3D: Concello de Ferrol

E isto é todo polo de agora, espero que vos guste. Creo que vou continuar actualizando algúns modelos antigos máis, xa vos irei contando.

Saudos a todos ;)


Anxo