viernes, 24 de diciembre de 2010

Bo Nadal

Felices festas a todos!, espero que a pesar das crisis, as desgracias, o frio, a neve e todo iso que as veces nos amarga a vida, hoxe sexa un dia de felicidade coa xente que vos quere. Lembrade que o mellor da vida non se consigue con diñeiro... desfrutade moito, moito...



Unha aperta!


Anxo

jueves, 2 de diciembre de 2010

Novo modelo. Edificio Caixa Galícia.

Por fin rematei o modelo do edificio de Caixa Galicia na praza de España de Ferrol. Este edificio, xunto co edificio "Hollywood", a Biblioteca e o "Edificio Criado" (ainda por modelar) forman e debuxan o skyline máis característico e recoñecible de Ferrol.


O edificio de Caixa Galicia, antigo edificio da Caixa de Aforros e Monte de Piedade de Ferrol, foi deseñado polo arquitecto Nemesio López Rodríguez e construido en dúas fases. A primeira cara a rua Galiano en 1941 e a segunda cara a rúa María en 1951. O edificio albergou ademáis o Sanatorio "San Javier" que foi tamén Casa de Socorro. Actualmente pertence á Novacaixagalicia, a caixa resultante da fusión de Caixa Galicia e Caixanova, polo que o característico luminoso que remata o edificio probablemente desaparecerá nun futuro próximo, privando ao conxunto dun dos seus elementos característicos.

O modelo é un dos máis pormenorizados que elaborei ata o de agora, xa que tódalas fiestras están modeladas e ten multitude de detalles.


Enlace á galería 3D: Edificio Caixa Galicia

Probáblemente precise dalgunhas correccións que realizarei máis adiante, sobre todo na escala da torre do reloxio, pero polo de agora creo que o resultado é bastante aceptable así que dou o modelo por rematado. Déixovos agora unhas cantas imaxes do modelo para non perder o costume. Xa notaríades que modifiquei un pouco o deseño do blog para poder poñer imaxes máis grandes... 






Boeno, e ata aquí chega polo de agora. Agardo que sexa do voso agrado e espero voltar pronto con máis cousas.

Saudos a todos! ;)


Anxo

miércoles, 1 de diciembre de 2010

Avances co novo modelo. Edificio Caixa Galicia

Aquí traio uns poucos avances co modelo do Edificio Caixa Galicia. Estou aplicando texturas, e tamén podedes observar que estou dando bastante detalle ás fiestras, a ver se ao final o modelo non é moi pesado. Deixovos un par de imaxes para que vexades o progreso.



Polo de agora nada máis, espero voltar pronto co modelo xa rematado.

Saudos ;)

Anxo

lunes, 29 de noviembre de 2010

Preparando un novo modelo.


Teño un novo modelo no forno... O edificio de Caixa Galicia, un dos máis carcterísticos da Praza de España en Ferrol. Polo de agora hai pouca cousa, só unha tosca aproximación de volumes que podedes ver na seguinte imaxe en comparación co resto de edificios do entorno xa modelados.


Polo de agora pouco máis, voltarei pronto con máis avances!

Un saudo ;)

Anxo

domingo, 28 de noviembre de 2010

Novo modelo. A Biblioteca Central de Ferrol

A Biblioteca Municipal Central de Ferrol está situada no antigo edificio do Banco de España construido no ano 1946 e diseñado polo arquitecto José Yarnoz Larrosa. Situado no nº 2 da Praza de España o edificio pasa a ser propiedade municipal no ano 1982 sendo en 1990 cando se traslada a el a Biblioteca Municipal, que antígamente ocupaba un espacio no 2º andar do Palacio do Concello. 


No periodo 2001-2006 o edificio foi remodelado na súa totalidade según un proxecto do arquitecto Juan Antonio Vidal Romaní que reorganizaría todo o espacio interior do inmoble e aproveitaría na súa totalidade os 2.700 metros cadrados de superficie dos que dispón. Ademais engadiuse o lucernario piramidal sobre o espacio central da Biblioteca que a indentifica claramente dende o exterior.


No semisoto atópase a Sala de Exposicións e o depósito de libros, espazo que anteriormente albergaba o Museo Municipal Bello Piñeiro que posteriormente sería trasladado ao Centro Cultural Torrente Ballester por mor da rehabilitación da Biblioteca.

O modelo non resultou excesivamente complicado, se ben as fotografías que utilicei para as texturas da fachada precisaron de bastante traballo en Photoshop.



E xa para rematar, unhas cantas imaxes do modelo acompañado desta vez polo seu veciño, o Edificio Hollywood:





Agardo que vos guste, ...

Un saudo! ;)

Anxo

viernes, 26 de noviembre de 2010

O 3D nos medios

Con todo este asunto das nominacións a Supermodelador e as votacións, o asúnto do 3D esta adquirindo niveles mediáticos que eu polo menos non esperaba. Si fai uns meses fixen a miñai primeira aparición en prensa, éstes días atrás repetín aparición por éste motivo na edición local de Ferrol da Voz de Galicia, pouco despois aparecín polo mesmo asunto no periódico da miña cidade, o Diario de Ferrol (e por sorte ésta vez puiden escoller eu a foto... :P ):


Pero o máis incrible é que me chamaron para facerme unha entrevista en Onda Cero Radio, tal e como vos comentei éstes días atrás. A entrevista foi a través de teléfono, xa que non puiden trasladarme aos estudios en Santiago, e durou apenas 5 mins... pero boeno, penso que a pesar do nerviosismo a cousa non foi mal de todo, e tal e como prometín, aquí a tedes:


Non deu para moito, así que sede benévolos coas vosas críticas... :)

Temos que dicir que non son o único o único que chamou a atención da prensa, Alsomar tivo tamén a súa ración mediática, con entrevista no Diario de Levante e tamén na radio (moito mellor ca miña, todo hai que dicilo... jejeje). E xa fora do asunto das eleccións a Supermodelador, hai máis modeladores que son noticia, como Aarmesto, que saiu recentemente en "La Región" de Ourense pola súa participación na feira tecnolóxica Galiciencia.

Penso que para unha xente que fai o que facemos de feito altruísta e desinteresado non está nada mal non??...

Un saudo a todos e graciñas!! ;)

Anxo

miércoles, 24 de noviembre de 2010

O día "3D na radio"



O xoves 25 de Novembro de 2010 estade atentos ás vosas emisoras de radio!!!:

Ás 12:30 h. na Cadena COPE de Valencia, entrevista a Alsomar.
(25/11/10): Ao final a entrevista emitíuse por OM (onda media) para a cidade de Valencia e non se puido seguir por ese enlace, pero poderedes atopala no blog de Alsomar

E ás 18:30 h. 19:05 en Onda Cero Galicia, entrevista a Trasancos, aquí un servidor.
(25/11/10): A entrevista é hoxe día 25 e emítese ás 19:05

Eu aínda non o creo, e estou en estado de shock, tanto que ainda non teño moi claro se a miña entrevista vaise emitir en directo ou non, intentarei avisar con tempo si podo. Creo que todo isto da nominación a supermodelador está acadando unha relevancia que non esperaba nin en soños, (ao meu humilde parecer incluso esaxerada)... :P

Si meto a pata con algo non mo botedes en cara, que isto dos medios non é o meu, pero intentarei estar a altura ... :)

Saudos e moitas grazas!, porque isto é resultado do voso apoio... ;)

Anxo

Novo modelo. O edificio "Hollywood"

Hai moitos edificios emblemáticos na Praza de España de Ferrol como para non ter modelado ningún, e iso era algo que xa me pesaba, así que me puxen mans á obra e comecei polo principio, o nº 1 da praza, o popularmente coñecido como Edificio "Hollywood".


O edificio "Hollywood" foi construido na década dos 40, sendo un dos primeiros que ocuparon a nova Praza de España, situada onde antigamente estaba a Porta Nova das desaparecidas murallas de Ferrol. Destinado a vivendas para os oficias do Exército de Terra moi pronto adquiriu o sobrenome de Edificio "Hollywood" pola cantidade inxente de "estrelas" que saían e entraban del sobre as solapas dos uniformes dalgúns dos seus inquilinos. Co tempo e debido á súa singularidade foise convertindo nun elemento recoñecible dentro da arquitectura da cidade entrando a formar parte do "skyline" de referencia de Ferrol.


Fai relatívamente pouco as fachadas do edificio foron restauradas e pintadas, incluidas as do patio interior, adquirindo un ton lixeiramente más "ocre" que o que tiña antígamente pero que non fixo perder nin un ápice de personalidade ao, arquitectónicamente  falando, grandilocuente edificio. Intentei reflexar no modelo ese aspecto peculiar para un edificio de vivendas, e penso que o resultado é satisfactorio:


Enlace na Galería 3D: Edificio "Hollywood"

E xa para rematar, as imaxes de turno:






E ísto é todo polo de agora, seguirei con máis modelos na Praza de España, a Biblioteca, o Ambulatorio, o edificio de Caixa Galicia... etc, etc. Espero que vos gusten.

Lembrade que aínda continúan as votacións!

Saudos ;)


Anxo

sábado, 20 de noviembre de 2010

Novo modelo. A Capela da Virxe do Porto

Mentres continúan as votacións para escoller ao próximo supermodelador, decidín seguir coa tarefa modeladora, e desta vez fixeime nunha pequena e fermosísima capela que trae a miña memoria os veráns da infancia en Valdoviño. A capela da Virxe do Porto atópase en Meirás, no concello de Valdoviño, moi cerca de Ferrol. Está situada nun entorno espectacular, construida nun pequeno illote rochoso, xunto a unha cala de pedras, resgardada do mar polas rochas contra as que bate sempre furioso o Atlántico.


Ahí, nun lugar inverosimil podemos atopar esta minúscula e branca capela, desafiando ao inmenso Atlántico, incomprensiblemente pracida sobre o sempre axitado océano da costa norte galega. A capela é só accesible cando o océano se retira na baixamar permitindo achegarse a ela cruzando a pequena cala pedregosa e trepando por unhas estreitas e brancas escaleiras. Simplemente unha porta e unha fiestra na fachada que da a terra permiten a entrada da luz dentro do templo. O resto dos muros son cegos, para defenderse dos embates poderosos do mar.


O modelo da capela en sí e ben sinxelo, pero foi necesario recrear parte da costa rochosa da zona, xa que a orografía representada en GE nesta zona é bastante pobre e tosca, e ademais as imaxes de satélite teñen moi poca definición, así que tiven que recurrir a outros medios para modelar o illote onde se atopa a capela e parte dos arredores. Ainda así penso que ao final quedou bastante ben. 


Enlace na Galería 3D: Capela da Virxe do Porto

Déixovos as imaxes habituais do modelo, a ver se vos gusta...





Ben, iso é todo polo de agora, lembrade que continúan as votacións, podedes escoller ao voso modelador favorito e votar dende aquí, ou na columna dereita do blog >>>

Graciñas por seguir ahi e saudos a todos!... ;)

Actualizado 21/11/10:

Actualicei o modelo seguindo os consellos de Arrigo Silva, que tivo a amabilidade de cederme un pouco da súa sabiduría e deume un par ideas para mellorar o aspecto do modelo. Moitas gracias Enrico!!, reálmente sentínme alagado ao recibir o teu correo. :)

Deixo un par de imaxes para que vexades o novo aspecto...



Saudos!! ;)

miércoles, 10 de noviembre de 2010

Nominado a Super Modelador de Google Earth!

Pois si, así como que non quere a cousa hoxe atópome con que estou nominado a Super Modelador do Google Earth!. Teño que recoñecer que alguén xa me soplou algo fai uns días (moitas gracias José Manuel), pero non sabía eu que a cousa ia ser tan competitiva, xa que hai 10 nominados, a cada cal mellor!! E resulta que o tema vai por votación pública, así que se queredes participar so tedes que entrár e votar polo que vos pareza mellor... non vos sintades presionados e tal, pero sería de agradecer se me botades unha man jejeje :P

Hai que recoñecer que me tocou con xente que é do mellorciño, Alsomar, Damo, Tang 3D, ou Eugeni Llopart (que é todo un mestre nisto de modelar)... entre outros. Así que tampouco albergo moita esperanza, ainda que xa me sinto bastante contento co recoñecemento, porque o feito de ser nominado con tan impresionantes modeladores xa é todo un logro!, sinceramente creo que todos e cada un deles debería ser considerado xa un Super Modelador.

Se quereder votar podedes facelo aquí: Vota ao próximo Super Modelador, ou diréctamente no lateral dereito do blog. >>>
E para ver como van os resultados: Resultados

O periodo de votacións será de 3 semanas, así que tedes tempo de sobra para pensar o voso voto e iso, así que xa sabedes.

Só queda dicir, QUE GAÑE O MELLOR!!! :D

Saudos!

Anxo

jueves, 28 de octubre de 2010

Novo Modelo. Cuartel de Dolores e Porta de Fontelonga

Por fin rematei o modelo do que estiven falando estes días, o conxunto formado polo Cuartel de Dolores e a porta marítima de Fontelonga, situada nos restos da antiga muralla de Ferrol que todavía circundan parte do acuartelamento.


Un pouco de historia...

O Cuartel da Nosa Señora das Dores está situado xunto ao antigo Cadro de Esteiro, en Ferrol. Planexado en 1751 por Joseph Petit de la Croix comezou a construirse no 1765 baixo a dirección do Enxeñeiro Naval D. Julián Sánchez Bort. Parte da obra foi financiada pola casa dos Condes de Andrade e Lemos en memoria dun dos seus fillos, morto en combate cando era infante de marina. As obras rematan un 16 de Outubro de 1771. 



O edificio de planta cadrada está organizado en torno a un patio central porticado e podía albergar a uns 4000 homes. O patio, tamén de planta cuadrangular ten tres alxibes e está rodeado por arcadas que cubren 2 dos 3 niveles que ten o edificio e que se soportan sobre 44 pilares cos seus correspondentes arcos. O primeiro nivel corresponde ás antigas cadras e almacéns, o segundo para o piso principal, quedando o terceiro cunha enorme terraza que rodea todo o patio e da cobertura ás arcadas.


Na Fachada Principal está a entrada decorada con adornos e columnas dóricas que soportan un balcon de ferro sobre o cal , á altura do 3º nivel, hai un escudo coas armas reais.


Actualmente o cuartel é a base do Tercio Norte da Infantería de Marina. 

Na parte posterior do edificio atópase unha das antigas portas marítimas das murallas de Ferrol, a porta de Fontelonga. Construida na mesma época co cuartel, conta cunha larga escalinata doble que ten unha rampa central e que salva a diferencia de cota entre o que sería o antigo peirao a nivel do mar e o terreno circundante. Na imaxe pódese observar o antigo peirao e o impoñente aspecto que ofrecía o conxunto co cuartel:


Na parte inferior, xunto a entrada e a singular garita que a garda, hai unha pequena construcción con curiosos arcos de traza parabólica na que se atopaba unha fonte que era a que daba nome á fortificación. Hai que destacar tamén como elemento singular de cantería o "arbotante", tamén de traza parabólica, que sirve como apoio do muro e que utiliza o conxunto da garita como contraforte. Actualmente e debido a sucesivos recheos motivados polo crecemento do asteleiro, a porta está moi alonxada do mar, ocupando o lugar do antigo peirao unhas pistas polideportivas.



E tamén reseñable a existencia dun cruceiro, coñecido como "Cruceiro de Fontelonga" situado ao final da escalinata, xunto ao que queda do muro onde se situaba a porta superior do antigo acceso. O conxunto foi restaurado non fai moito estando ao mando do Tercio Norte o coronel ferrolán Juan Feal Vázquez.


O modelo...

O modelo en cuestión abrangue tanto o cuartel como as murallas e a porta de Fontelonga. O terreno resultou un pouco máis engorroso do desexado, xa que foi necesario modelar gran parte do relevo da zona, para conseguir recrear o desnivel que deu lugar á singular configuración da zona. Finalmente creo que o resultado e bastante satisfactorio.



E xa para rematar, as xa tradicionais imaxes do modelo en Google Earth...

Actualizado 29/10/10: Non me convencían nadiña as texturas dos muros, así que usei unhas novas que creo quedan moito mellor. Aquí podedes ver unha imaxe coa textura vella:


E esta é a textura nova:


Penso que é moito mellor e máis acorde co nivel de calidade do resto do modelo. Agora deixo o resto das imaxes, xa coas novas texturas:








E ata aquí todo polo de agora, desculpade pola longuísima publicación, pero é que facía tanto tempo que non subía un modelo novo que xa tiña ganas. Espero que vos guste e agardo voltar pronto con mási cousas. Graciñas!

Saudos ;)

Anxo